काठमाडौं – डिभी एजुकेशन नेटवर्कले ‘डिभी महिला शक्ति सम्मान’ कोभिड–१९ को समयमा योगदान पुर्याएका चार महिलालाई प्रदान गर्ने भएको छ।
गत वर्षबाट सुरु गरिएको सम्मान यो वर्ष शुक्रराज ट्रपिकल तथा सरुवा रोग अस्पताल टेकुकी नर्सिङ सुपरभाइजर बेली पौड्याल, सिनियर कन्सल्ट्याण्ट डा. रक्षा पाण्डेय, कान्तिपुर दैनिककी पत्रकार सञ्जु पौडेल र हाम्रो टिम नेपालकी कार्यकारी सदस्य कविता पौडेललाई प्रदान गरिने भएको हो।
नेटवर्कले समाजिक उत्तरदायित्व निर्वाह गदै महिला सशक्तिकरणमा योगदान पुर्याउने उद्देश्यले सम्मानको कार्यक्रम तय गरेको डिभी एजुकेशनका अध्यक्ष विश्वनाथप्रसाद शाहले जानकारी दिएका छन्।
गत वर्ष संस्थाले सामाजिक रुपमा योगदान पुर्याएका पाँच जना महिलालाई सम्मान गर्ने निर्णय गरेको थियो।
कोभिड–१९ को महामारीका कारण आयोजना हुन नसकेको गत वर्षको कार्यक्रम पनि यही वर्ष एकैसाथ हुने भएको छ।