काठमाडौं – इटालियन फुटबलको लिगलिडर इन्टर मिलान सिरी ए मा थप शक्तिशाली बनेको छ।
सोमबार रातिको खेलमा अर्को बलियो क्लब एटलान्टालाई १–० गोलले हराएपछि उसले शीर्षस्थानमा ६ अंकको अग्रता बनाएको हो।
गएराति जित निकाल्ने क्रममा इन्टरका स्किरन्करले निर्णायक गोल गरे।
त्यसपहिले दुवैतर्फबाट गोल हुन नसकेपछि पहिलो हाफ गोलरहित बराबरीमा रोकिएको थियो।
दोस्रो हाफको ९ मिनेटपछि उनले कुनाबाट प्रहार गरेको बलले एटलान्टाको नेट चुमेपछि इन्टरले अग्रता बनायो।
यता उत्कृष्ट डिफेन्सलाई तोड्दै इन्टरको पोस्टमा एटलान्टाले गोल गर्न नसक्दा उसले शीर्षस्थानमा ६ अंकको अग्रता कायम गर्न सक्यो।
प्रशिक्षक एन्टोनी कोन्टेको टिमले अहिले लगातार सात खेलमा जित निकालेर लिगको उपाधितर्फ अघि बढ्न प्रेरणा मिलेको छ। उसले २०१० यता सिरी ए उपाधि जितेको छैन।
गत वर्ष पनि ऊ युभेन्टसभन्दा एक अंकले पछि पर्दै उपविजेता बनेको थियो। यता पराजित एटलान्टा लिगको पाँचौं स्थानमा छ।