काठमाडौं- पछिल्लो २४ घण्टामा नेपालमा थप ४७ जनामा कोरोना संक्रमण पुष्टि भएको छ।
३ हजार ५३५ जनाको पीसीआर परीक्षण गरिएकोमा ४७ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
योसहित नेपालमा कुल संक्रमितको संख्या २ लाख ७४ हजार ६५५ पुगेको छ।
यस्तै पछिल्लो २४ घण्टामा ६२ जना संक्रमणमुक्त भएका छन्। संक्रमणमुक्त हुनेको संख्या २ लाख ७० हजार ८२८ पुगेको छ।
हाल ८१७ जना सक्रिय संक्रमित रहेको मन्त्रालयको तथ्यांक छ। नेपालमा कोरोना बाट ३ हजार १० जनाको मृत्यु भइसकेको छ।