काठमाडौं– राष्ट्रिय सभागृहमा आज २ बजे नेत्रविक्रम चन्द ‘विप्लव’ सार्वजनिक हुँदैछन्।
कार्यक्रममा सहभागी बन्नको लागि सभागृहमा विप्लव नेतृत्वको नेकपा र प्रधानमन्त्री केपी शर्मा ओली नेतृत्वको नेकपाका कार्यकर्ताको भीड लागेको छ।
सभागृह वरिपरि सुरक्षा व्यवस्था कडा बनाइएको छ।
केहीबेरमा विप्लवसँगै प्रधानमन्त्री केपी शर्मा ओलीले सभागृहमा आयोजित कार्यक्रमलाई सम्बोधन गर्नेछन्।
कार्यक्रममा प्रधानमन्त्री ओली र विप्लवले विस्तृत सम्झौतामा हस्ताक्षर गर्ने कार्यक्रम छ।
बिहीबार बेलुका बसेको मन्त्रिपरिषदले विप्लव नेतृत्वको नेकपालाई लगाएको प्रतिबन्ध फुकुवा गरेको थियो।
विप्लव पूर्वी नवलपरासीबाट प्रहरी स्कर्टिङमा भर्खरै काठमाडौं आइपुगेका छन्।