मोरङमा एक लाख ३५ हजारलाई कोरोनाविरूद्धको खोप लगाइने

विराटनगर – मोरङमा कोभिड–१९ विरूद्वको खोप एक लाख ३५ हजारलाई लगाइने भएको छ।

तेस्रो चरणको अभियानअन्तर्गत फागुन २३ गतेबाट खोप लगाउन सुरु गरिने स्वास्थ्य कार्यालय मोरङका प्रमुख डा. सुरेश मेहताले जानकारी दिए। 

उनका अनुसार ५५ वर्षमाथिका उमेर समूहलाई खोप लगाइने छ। 

उनले तेस्रो चरणका लागि ७२ स्थानमा खोप केन्द्र निर्धारण गरिएको बताए। 

मोरङमा पहिलो चरणमा पाँच हजार ८५९ र दोस्रो चरणमा पाँच हजार ३३४ जनाले खोप लगाएको स्वास्थ कार्यालयका सूचना अधिकारी धरणीधर निरौलाले बताए।