काठमाडौं– प्रधानमन्त्री केपी शर्मा ओलीले कोरोना भाइरस विरुद्धको खोपमा कुनै कमी नहुने बताएका छन्।
गण्डकी प्रदेशस्तरीय कार्यकर्ता भेलालाई पोखरामा सोमबार सम्बोधनका क्रममा उनले भने, ‘भ्याक्सिन ल्याउँदै छौं, कुनै कमी हुँदैन। पीसीआर र उपचार निःशुल्क गरेका छौं।’
धनी देशले पनि सशुल्क उपचार गरेका बेला नेपाल सरकारले निःशुल्क उपचार गरेको उनको भनाइ छ।
प्रधानमन्त्री ओलीले कोभिडविरुद्ध सफलता प्राप्त गर्ने देशमा नेपाल पनि अगाडि रहेको बताए।
उनले देश विकासमा अगाडि बढेको चर्चा गर्दै एकै दिन ३०९ वटा अस्पताल शिलान्यास गरेर सरकारले ठूलो काम गरेको बताए।
‘हामी सबै राष्ट्रिय एकताका साथ अगाडि बढ्नुपर्छ। निजी स्वार्थका लागि मात्रै सोच्ने होइन्,’ उनले भने।