काठमाडौं– आइसबर्ग बियर आज (सोमबार)बाट पुनः बजारमा आएको छ।
हिमालयन ब्रुअरीको अधिकांश स्वामित्व सिजी होल्डिङ्सले किनेसँगै आइसबर्ग नयाँ स्वाद र लेबलका साथ बजारमा ल्याइएको हो।
ललितपुरको गोदावरी मुहानको पानीलाई प्रशोधन गरी उत्पादन गरिने आइसबर्ग स्प्रिङ वाटर प्रयोग भई उत्पादन भएको नेपालको एक मात्रै बियर भएको कम्पनीले दाबी गरेको छ।
यसमा ७ प्रतिशत अल्कोहलको मात्रा छ। आइसबर्ग ६५० एमएल बोतलको मूल्य २८५ रुपैयाँ कायम गरिएको छ।