काठमाडौं– नेकपा दाहाल–नेपाल समूहका अध्यक्ष पुष्पकमल दाहाल लिखित जवाफ दिन सर्वोच्च अदालत पुगेका छन्।
अधिवक्ता समिर हायूले सर्वोच्च अदालतमा दाहालविरुद्ध दिएको अवहेलना मुद्दामा अदालतले लिखित जवाफसहित आफैँ उपस्थित हुन आदेश गरेको थियो।
प्रतिनिधिसभा विघटनबारे परेका रिटमाथि सर्वोच्च अदालतमा चलिरहेको सुनुवाइलाई प्रभावित गर्ने गरी सार्वजनिक अभिव्यक्ति दिएको दाबीसहित अधिवक्ता हायूले रिट हालेका थिए।
माघ १६ मा विराटनगरमा भएको विरोधसभामा दाहालले आवश्यक परेमा विघटित संघीय संसद् बैठक बोलाउने बताएका थिए।