१२.५६ अंकले बढ्यो नेप्से, कारोबार ६ अर्ब ७० करोडमा सीमित

काठमाडौं– बुधबार सेयर बजार परिसूचक (नेप्से) १२.५६ अंकले बढेको छ। बढेको बजार २५९९.०८ विन्दुमा पुगेर रोकिएको हो। 

आज २०४ कम्पनीको १ करोड ६७ लाख २६ हजार कित्ता सेयर खरिदबिक्री हुँदा ६ अर्ब ७० करोड १८ लाख रुपैयाँ बराबरको कारोबार भएको छ। 

बुधबार सेन्सेटिभ इन्डेक्स २.४० अंकले बढेर ४७०.३५ विन्दुमा पुगेको छ। आज जलविद्युत् र अन्य समूहको सूचक घटेको छ भने बाँकी समूहको सूचक बढेको छ। 

बुधबार आईएमई जनरल इन्स्योरेन्सका लगानीकर्ताले सबैभन्दा बढी कमाएका छन्। यसको सेयर १० प्रतिशतले बढेको छ। 

त्यस्तै नेपाल फाइनान्स लिमिटेडको सेयर ९.९७ र चन्द्रागिरि हिल्सका लगानीकर्ताको सेयर मूल्य ९.९४ प्रतिशतले बढेको छ। 

आज निफ्राका लगानीकर्ताले गुमाएका छन्। निफ्राको सेयर मूल्य ५.३९ प्रतिशतले घटेको छ।