दाहाल-नेपाल समूहको स्थायी कमिटी बैठक बस्दै

काठमाडौं - नेकपा दाहाल–नेपाल समूहको स्थायी कमिटी बैठक पेरिसडाँडामा बस्ने भएको छ। 

बैठक आज दिउँसो २ बजे बस्ने स्थायी कमिटी सदस्य बेदुराम भुसालले जानकारी दिए । 

यसअघि केन्द्रीय सचिवालय बैठक पनि पेरिसडाँडामा बसेको थियो। 

चितवनमा हुने कार्यक्रममा सहभागी हुन पुगेका अध्यक्षद्वय पुष्पकमल दाहाल र माधवकुमार नेपाल पनि आज बिहानै काठमाडौं फर्किएका थिए। त्यस लगत्तै अहिले सचिवालयको बैठक बसेकाे थियाे।

आजै दाहाल–नेपाल समूहले संसदीय दलको बैठक पनि बोलाएको छ।

यस्तै नेकपा दाहाल–नेपाल समूहका अध्यक्षद्वय पुष्पकमल दाहाल र माधवकुमार नेपाल नेपाली कांग्रेसका सभापति शेरबहादुर देउवाको निवास बूढानीलकण्ठमा पुगेका छन्।

प्रतिनिधिसभा पुनर्स्थापना गर्ने सर्वोच्च अदालतको फैसलापछि यसबारे छलफल गर्न उनीहरू देउवा निवास पुगेका हुन्।

अध्यक्षद्वयले देउवालाई सत्ता सहकार्यको प्रस्ताव राखेको बताइएको छ।

सर्वोच्चको फैसलालगत्तै हिजो नै देउवा र अध्यक्ष दाहालबीच टेलिफोन वार्ता भएको थियो।

टेलिफोन वार्तामा देउवा र दाहालले आज भेटेर छलफल गर्ने निधो गरेका थिए।