काठमाडौं– नेकपा दाहाल–नेपाल समूहका अध्यक्षद्वय पुष्पकमल दाहाल र माधवकुमार नेपाल नेपाली कांग्रेसका सभापति शेरबहादुर देउवाको निवास बूढानीलकण्ठमा पुगेका छन्।
प्रतिनिधिसभा पुनर्स्थापना गर्ने सर्वोच्च अदालतको फैसलापछि यसबारे छलफल गर्न उनीहरु देउवा निवास पुगेका हुन्।
अध्यक्षद्वयले देउवालाई सत्ता सहयकार्यको प्रस्ताव राखेको बताइएको छ। सर्वोच्चको फैसलालगत्तै हिजो नै देउवा र अध्यक्ष दाहालबीच टेलिफोन वार्ता भएको थियो। टेलिफोन वार्तामा देउवा र दाहालले आज भेटेर छलफल गर्ने निधो गरेका थिए।