धनगढी - नेपाल कम्युनिस्ट पार्टी (नेकपा) दाहाल-नेपाल समूहका सुदूरपश्चिम इन्चार्ज डा. भीम रावलले प्रधानमन्त्री केपी शर्मा ओलीले तत्काल राजीनामा दिनुपर्ने बताएका छन्।
आज धनगढीमा आयोजित पत्रकार सम्मेलनमा बोल्दै उनले सर्वोच्च अदालतको फैसलापछि ओलीको प्रधानमन्त्री पदमा रहने सबै आधार समाप्त भएको बताएका हुन्।
सर्वोच्चको फैसलाले प्रतिनिधिसभा विघटन असंवैधानिक र स्वेच्छाचारी भएको प्रमाणित गरेको उनकाे भनाइ छ।
१३ दिनभित्र संसद् बैठक बोलाउन सर्वोच्चको आदेश बमोजिम प्रतिनिधिसभा अगाडि बढ्ने रावलकाे भनाइ छ।
अहिलेको अवस्थामा सरकार गठन गर्ने भन्दा लोकतन्त्रको रक्षा गर्नु प्रमुख कुरा रहेको उनले बताए।