काठमाडौं - उपराष्ट्रपति नन्दबहादुर पुनलाई उपत्यका बाहिर जान बन्देज लगाइएको भन्ने समाचारप्रति गम्भीर ध्यानाकर्षण भएको उनको निजी सचिवालयले जनाएको छ।
आज उपराष्ट्रपतिका प्रेस संयोजक मनोज घर्तीमगरले खण्डन प्रकाशित गर्दै त्यस समाचारमा कुनै सत्यता नरहेको स्पष्ट पारेका हुन्।
विज्ञप्तिमा भनिएको छ, ‘दलित पत्रकार संघको बुटवलमा हुन लागेको राष्ट्रिय महाधिवेशन उद्घाटनमा आमन्त्रण आएको सन्दर्भमा सम्मानित सर्वोच्च अदालतमा प्रतिनिधिसभा विघटनसम्बन्धी रिट निवेदन फैसलाको क्रममा रहेकोले सम्भावित परिस्थितिलाई ध्यानमा राखेर सो कार्यक्रममा उपस्थित हुन नसक्ने भनी निजी सचिवालयको तर्फबाट आयोजकलाई जानकारी गराइएको स्पष्ट पारिन्छ।’
एक सञ्चारमाध्यमले प्रधानमन्त्रीले इच्छ्याएबमोजिम सेनाले उपराष्ट्रपतिलाई उपत्यकाबाहिर कहीँ पनि जान नदिएको भन्ने समाचार प्रकाशित गरेको थियो।