जनकपुरधाम– प्रदेश २ का मुख्यमन्त्री लालबाबु राउतले प्रतिनिधिसभा पुनर्स्थापना गर्ने सर्वोच्चको फैसला आउनु जनताको जित रहेको प्रतिक्रिया दिएका छन्।
सर्वोच्च अदालतले प्रतिनिधिसभा पुनर्थापना गर्ने फैसला गरेपछि मुख्यमन्त्रीले यस्तो प्रतिक्रिया दिएका हुन्। उनले यो फैसलासँगै न्यायपालिकामाथिको विश्वास झनै बढेर जाने बताए ।
उनले भने, ‘यो लोकतन्त्रको जित हो, जनतको जित हो। सर्वोच्चको फैसला बिल्कुलै सही फैसला हो।’ मुख्यमन्त्री राउतले नैतिकताको आधारमा प्रधानमन्त्री केपी शर्मा ओलीले राजीनामा दिनुपर्ने बताए।