थप ११० जनामा कोरोना संक्रमण, चार जनाको मृत्यु

काठमाडौं– पछिल्लो २४ घण्टामा नेपालमा थप ११० जनामा कोरोना संक्रमण भएको छ। योसहित नेपालमा दुई लाख ७३ हजार ६६६ जनालाई कोरोना संक्रमण भएको छ। 

यस्तै कोरोना संक्रमणबाट थप चार जनाको मृत्यु भएको छ। मृत्यु हुनेको संख्या दुई हजार ६५ पुगेको स्वास्थ्य तथा जनसंख्या मन्त्रालयले जनाएको छ। 

पछिल्लो २४ घण्टामा १०२ जना कोरोनामुक्त भएका छन्। कोरोना मुक्त हुनेको संख्या दुई लाख ७० हजार ६८ छ। 

एक हजार ५३३ जना सक्रिय संक्रमित रहेको स्वास्थ्य तथा जनसंख्या मन्त्रलायको विवरणमा उल्लेख छ।