पूर्वप्रधानमन्त्री भट्टराई अस्पताल भर्ना

काठमाडौं– पूर्वप्रधानमन्त्री तथा जसपा संघीय परिषद् अध्यक्ष बाबुराम भट्टराई अस्पताल भर्ना भएका छन्।

उनलाई मंगलबार भारतको नयाँदिल्लीस्थित यकृत एवं पित्त विज्ञान संस्थानमा भर्ना गरिएको हो।

दिनभर अस्पतालमा राखी आवश्यक सबै परीक्षण गरिने भट्टराईको निजी सचिवालयले जनाएको छ।

पेटमा समस्या देखिएपछि लामो समयदेखि काठमाडौंको निदान अस्पतालमा उनको स्वास्थ्य परीक्षण तथा उपचार भइरहेको थियो। उनी थप उपचारका लागि आइतबार भारत गएका हुन्।