सुर्खेत– सुर्खेतमा ट्राफिक प्रहरीलाई १ हजार रुपैयाँ दिन खोज्ने दिन खोज्ने एक व्यक्ति पक्राउ परेका छन्।
पक्राउ पर्नेमा गोठीचौर गाउँपालिका–५ का मोटरसाइक चालक राजकुमार भण्डारी छन्। उनले वीरेन्द्रनगर–६ सिटीबसपार्कमा चेकजाँचका क्रममा प्रहरीलाई रुपैयाँ दिन खोजेका थिए।
मोटरसाइकलमा नम्बर प्लेट नराखेका उनलाई चेकजाँच गर्न खोज्दा पैसा दिन खोजेपछि पक्राउ गरिएको सुर्खेतका ट्राफिक प्रहरी प्रमुख उपेन्द्रप्रसाद आचार्यले जनाए। उनीसँग लाइसेन्स र बिलबुक पनि नभएको पाइएको छ। उनलाई आवश्यक कारबाहीका लागि जिल्ला प्रहरी कार्यालयमा बुझाएको ट्राफिक प्रहरीले जनाएको छ।