नक्कली बिल बनाएर राजस्व छल्नेविरुद्ध ९१ करोड बिगो दाबीसहित मुद्दा दायर

काठमाडौं– झुटा तथा नक्कली बिलबिजक बनाई राजस्व छली गर्नेविरुद्ध राजस्व अनुसन्धान विभागले ९१ करोड रुपैयाँ बिगो दाबी गर्दै मुद्दा दायर गरेको छ।

विभागले बलरा नगरपालिका सर्लाहीका सुवोध साहसहित १० जनाविरुद्ध मंगलबार पाटन उच्च अदालतमा मुद्दा दायर गरेको हो।

विभागका अनुसार मुख्य अभियुक्त साहसहित सुरेन्द्र सहनी, सरोजकुमार मिश्र, कलिम अन्सारी, अवधेश पटेल, सुमनकुमार महतो, राजेश्वर महतो, इदा खातुन, हरिन्द्र राम र मोतीलाल सहनीविरुद्ध ९१ करोड ३० लाख रुपैयाँ विगो दाबीसहित कैद र जरिवानाको माग गर्दै मुद्दा दायर गरिएको छ।