समाज

एक किलो सुनसहित विमानस्थलबाट एक जना पक्राउ

1617540750.jpg

काठमाडौं- त्रिभूवन अन्तर्राष्ट्रिय विमानस्थलबाट अवैध रूपमा पैठारी गर्न लागिएको करिब एक किलोग्राम सुनसहित प्रहरीले एक जनालाई पक्राउ गरेको छ।

NLG Insurance
Sampoorna Oil

पक्राउ पर्नेमा घनुषा घर भएका ३४ वर्षीय प्रकाश महरा छन्। उनी मंगलबार राती पक्राउ परेका हुन्। 

त्रिभुवन अन्तर्राष्ट्रिय विमानस्थल भन्सार एरियाबाट करिब ८८४.४५० ग्राम सुन जस्तो देखिने पहेँलो धातु र करिब ४९.५५ ग्राम सुन जस्तो देखिने बाला १ थानसहित महरालाई प्रहरीले पक्राउ गरेको हो।

फ्लाई दुबईको उडानबाट काठमाडौं आएका उनलाई अराइभल भन्सार एरियामा जाँच गर्ने क्रममा उक्त सुन फेला परेको हो। 

लुकाईछिपाई ल्याएको उक्त परिमाणको धातु र बाला फेला परेपछि विमानस्थल भन्सार कार्यालयमा महारालाई बुझाइएको छ। 

उनीमाथि थप अनुसन्धान भइरहेको बताइएको छ।

प्रतिक्रिया दिनुहोस्