सर्वोच्चको निर्णयलाई सम्मान गर्दै कांग्रेस अगाडि बढ्छ : नेता साउद

दार्चुला– नेपाली कांग्रेसका केन्द्रीय सदस्य एवं पूर्वमन्त्री एनपी साउदले कांग्रेस सर्वोच्च अदालतको निर्णयलाई आधार मानेर अगाडि बढ्ने बताएका छन्। 

प्रतिनिधिसभा विघटनविरुद्ध सोमबार दार्चुलामा आयोजित विरोध सभालाई सम्बोधन गर्दै साउदले कांग्रेस विधिको शासनमा विश्वास गर्ने भएकोले सर्वोच्चको निर्णयलाई सम्मान गर्दै अगाडि बढ्ने बताएका हुन्। 

साउदले जनताको माझमा जाने कुरामा नेपाली कांग्रेस कहिल्यै पछि नहट्ने बताए।

मुलुक अहिलेको अवस्था पुग्नुमा केपी शर्मा ओलीसँगै पुष्पकमल दाहाल, माधवकुमार नेपाल, बामदेव गौतम, झलनाथ खनाललगायत नेकपामा सबै नेता दोषी रहेको उनले बताए। 

सभालाई सम्बोधन गर्दै नेपाली कांग्रेस केन्द्रीय सदस्य डा. डिला संग्रौलाले सरकारले प्रेस स्वतन्त्रता कुण्ठित गरिरहेको बताइन्।