चितवन पुगेर दाहालले भने– चुनाव हुँदैन

काठमाडौं– नेकपा दाहाल–नेपाल समूहका अध्यक्ष पुष्पकमल दाहालले कुनै पनि हालतमा वैशाखमा चुनाव नहुने बताएका छन्।

आज सोमबार गृहजिल्ला चितवन पुगेका दाहालले भने, ‘‘चुनाव हुँदैन भनेर प्रष्ट भए हुन्छ। चुनाव गर्न यो प्रतिगमन नै गरिएको होइन।’

संविधान मिचिएको र लोकतन्त्रमाथि प्रहार भएका बेला आफूहरु सडक संघर्षमा रहेको भन्दै उनले ओलीले पञ्च र्‍याली गर्ने, मानिस जम्मा गर्ने लगायत काम गर्दै आइरहेको बताए। 

‘मुख्य कुरा के हो भने यत्रो वर्ष लगाएर प्राप्त उपलब्धि अहिले धरापमा परेको छ। आम जनता र राम्रो दिमाग भएका मानिस ओलीजीको पछाडि छैनन्,’ उनले भने।