अपराध महाशाखा प्रमुखको जिम्मेवारी एसएसपी खापुङलाई

काठमाडौं– महानगरीय प्रहरी अपराध महाशाखा प्रमुखको जिम्मेवारी एसएसपी चन्द्रकुमारखापुङलाई दिइएको छ। 

मन्त्रीस्तरीय निर्णयबाट एसएसपी दीपक थापाको सरुवा गर्दै त्यहाँ एसएसपी खापुङलाई पठाइएको हो। 

गृह मन्त्रालयका अनुसार आजै गृहमन्त्री रामबहादुर थापाको निर्णयबाट थापाको प्रहरी प्रधान कार्यालयमा सरुवा भएको हो।

थापाको नेतृत्वमा महाशाखाले अपराध अनुसन्धानमा सफल अनुसन्धान गरिरहेकै बेला उनको सरुवा भएको बताइएको छ। एक वर्ष नपुग्दै थापाको सरुवा गरिएको हो। 

केही दिनअघि गृह मन्त्रालयकै निर्देशनमा अपराध महाशाखाले नेकपा दाहाल–नेपाल पक्षीय नेतृ रामकुमारी झाँक्रीलाई पक्राउ गरेको थियो। उनको पक्राउको चर्को विरोध र प्रदर्शन भएपछि बेलुकी  लिखित बयान लिएर प्रहरीले छोडेको थियो।