काठमाडौं– १३ औं दक्षिण एसियाली खेलकुद (साग)का दोहोरो स्वर्ण पदक विजेता मण्डेकाजी श्रेष्ठ प्रहरी सहायक निरीक्षक (असई)मा बढुवा भएका छन्।
सागमा दोहोरो स्वर्ण जितेर श्रेष्ठ वर्षभरि चर्चामा रहे। नेपाल पुलिसबाट राष्ट्रिय प्रतियोगिता खेल्ने श्रेष्ठले आठौं राष्ट्रिय खेलकुदमा एकल कातामा स्वर्ण र टिम कातामा रजत जितेका थिए।
बंगलादेशमा भएको साफ च्याम्पियनसिपमा टिम कातामा स्वर्ण जितेका श्रेष्ठले एकल कातामा भने कांस्य जितेका थिए। त्यस्तै, उनलाई भर्खरै खेलकुद पत्रकार मञ्चले वर्ष खेलाडी अवार्डले सम्मानित गरेको थियो।