काठमाडौं- राष्ट्रपति र प्रधानमन्त्रीविरुद्ध कडा अभिव्यक्ति दिएर चर्को विवादमा परेकी नेकपा दाहाल–नेपाल पक्षीय नेतृ रामकुमारी झाँक्रीलाई प्रहरीले सोधपुछका लागि महानगरीय अपराध महाशाखामा बोलाएको छ।
महाशाखाका प्रमुख एसएसपी दिपक थापाले सोधपुछका लागि महाशाखा बोलाइएको जानकारी दिए।
देशका विभिन्न ठाउँमा भएका विरोध सभामा उनले राष्ट्रपतिविरुद्ध कडा अभिव्यक्ति दिएको भन्दै चर्को विरोध भएको छ।
केही दिनअघि ओली निकट अखिल नेपाल महिला संघले पनि कारवाहीको माग गर्दै गृहमन्त्रीलाई ज्ञापनपत्र बुझाएको थियो।
प्रहरी स्रोतका अनुसार गृह मन्त्रालयको निर्देशनपछि महानगरीय अपराध महाशाखाले उनलाई सोधपुछका लागि बोलाएको हो।
झाँक्रीमाथि राष्ट्रपति विद्यादेवी भण्डारीको चरित्र हत्या गरेको आरोप लगाइएको छ। हिजोको विरोधसभामा पनि उनले खुलेरै राष्ट्रपति र प्रधानमन्त्रीको कडा विरोध गरेकी थिइन्।