काठमाडौं– नेकपा दाहाल–नेपाल समूहका वरिष्ठ नेता झलनाथ खनालले केपी ओली चुनाव लडे जमानत जफत हुने दाबी गरेका छन्।
उक्त समूहले आज काठमाडौंमा आयोजना गरेको विरोध सभालाई सम्बोधन गर्दै उनले भने, ‘मिस्टर केपी ओली ! तपाईंका खुट्टी हेर्दै थाहा पाइयो। तपाईंको जमानत जफत हुन्छ। अबको दुई वर्षपछि हुने निर्वाचनमा तपाईंको जमानत नै रहँदैन।’
आफूहरु कसैलाई प्रधानमन्त्री बनाउन नभई संविधान रक्षाका लागि लडेको तर्क उनले गरे। भने, ‘०६३ सालको जनआन्दोलनको भन्दा ठूलो आगो दन्किन्छ। तानाशाहीलाई अन्त्य गरिन्छ।’
प्रधानमन्त्री ओलीले दरबारमार्गमा राजा महेन्द्रको सालिकतिर फर्केर चुनाव गराउँछु भनेको स्मरण गराउँदै खनालले त्यस्तो आश्वास नपत्याइने बताए।