काठमाडौं– प्रतिनिधिसभा विघटनविरुद्ध नेकपाको दाहाल–नेपाल समूहले काठमाडौंमा आज विरोधसभा आयोजना गरेको छ।
प्रदर्शनीमार्गस्थित सडकमा सभा चलिरहेको छ। उपत्यकाका विभिन्न स्थानबाट जुलुससहित कार्यक्रमस्थलमा पुगेर विरोधसभा सुरु भएको हो।
विरोधसभालाई पार्टी अध्यक्ष पुष्पकमल दाहाल, वरिष्ठ नेता माधवकुमार नेपाल, प्रवक्ता नारायणकाजी श्रेष्ठसहित स्थायी कमिटी र केन्द्रीय कमिटीका सदस्यहरुले सम्बोधन गर्नेछन्।