काठमाडौं– स्पेनिस ला लिगा अन्तर्गत सोमबार रातिको खेलमा लिग लिडर एथ्लेटिको मड्रिड हारबाट जोगिएको छ।
एथ्लेटिकोकै वान्डा मेट्रोपोलिटानो रंगशालामा सम्पन्न खेलमा उसले पाहुना टिमसँग २–२ गोलको बराबरी गरेको हो।
बराबरीका लागि दुवै गोल लुईस सुआरेले गरे भने सेल्टाका लागि सान्टी मिना र फकुअन्डो फेर्रेयाराले समान १–१ गोल गरे।
खेलको १३ औं मिनेटमै मिनाले गोल गर्दा सेल्टाले अग्रता बनाएको थियो। तर पहिलो हाफको अन्तिम मिनेटमा सुआरेजले गोल गर्दै खेललाई बराबरी बनाइहाले।
त्यस्तै, सुवारेजले ५० औं मिनेटमा गोल गेरर घरेलु टिमलाई अग्रता दिलाए पनि जितका लागि पर्याप्त भएन। तर ८९ औं मिनेटमा सेल्टाका फेर्रेयाराले गोल गरेपछि खेल बराबरी भयो।
गएरातिको बराबरीसँगै शीर्षस्थानको एथ्लेटिकोको ५१ अंक छ। त्यस्तै सेल्टा २६ अंकका साथ १० औं स्थानमा छ।