काठमाडौं– चीन सरकारले नेपाललाई पाँच लाख डोज कोरोनाको खोप उपलब्ध गराउने भएको छ।
परराष्ट्रमन्त्री प्रदीपकुमार ज्ञवाली र चिनियाँ समकक्षी वाङ यीबीच शुक्रबार भएको टेलिफोन वार्ताका क्रममा चीनले अनुदान स्वरुप खोप दिने जानकारी गराएको हो।
चीनले नेपाललाई खोप दिने राष्ट्रको प्राथमिकतामा राखेको पनि परराष्ट्र मन्त्रालयले जनाएको छ।
यसअघि भारतले अनुदान स्वरुप दिएको १० लाख डोज खोप अहिले फ्रन्टलाइनमा खटिएका स्वास्थ्यकर्मीहरूले लगाइरहेका छन्।
त्यसैगरी बेलायत सरकारको सहयोगमा कोभ्यासले २० लाख डोज खोप नेपाललाई उपलब्ध गराउने भएको छ।
उक्त खोप एक महिनाभित्र नेपाल आइपुग्ने नेपालस्थित बेलायती राजदूतावासले जनाएको छ।