८ अंकले बढ्यो नेप्से, ७ अर्ब ६१ करोडको कारोबार 

काठमाडौं– साताको अन्तिम कारोबार दिन बिहीबार सेयर बजार परिसूचक (नेप्से) ८.३४ अंकले बढेको छ। 

बढेको बजार २४७५.२७ विन्दुमा पुगेर रोकिएको हो। आज २०१ कम्पनीको १ करोड ८७ लाख १९ हजार कित्ता सेयर खरिदबिक्री हुँदा ७ अर्ब ६१ करोड ५० लाख रुपैयाँ बराबरको कारोबार भएको छ। 

बिहीबार जलविद्युत् समूहको सूचक ३६.८८, उत्पादन ८४, माइक्रोफाइनान्स १४६, निर्जिवन बिमा ७८.७४, अन्य १.७६ र व्यापार समूहको सूचक १३१.६६ अंकले बढेको छ। 

बैंकिङ समूहको सूचक ७.४३, विकास बैंक ६.३०, फाइनान्स १०.९७, होटल २०.६५, जीवन बिमा ६८.३० र सामूहिक लगानीको सूचक ०.०१ अंकले घटेको छ।