विराटनगर– पूर्वराजा ज्ञानेन्द्र शाहले बुधबार साँझ विराटनगरस्थित भाटभटेनी सुपरमार्केटको अवलोकन गरेका छन्।
पूर्वबाट साँझ विराटनगर आएका उनले केहीबेर भाटभटेनीका कर्मचारीसँग भलाकुसारी गरेका थिए।
पूर्वराजा आउने थाहा पाएपछि भाटभटेनीका कर्मचारी स्वागतका लागि माला लिएर बसेका थिए। भाटभटेनीका एक कर्मचारीले भने, ‘राजपरिवारको कोही आउने जानकारी थियो, को भन्ने थाहा थिएन।’
काठमाडौ फर्कनुअघि रत्ना होटलमा खाना खानका लागि पूर्वराजा शाह विराटनगर आएको जानकारी आफूले पाएको मोरङ प्रहरी प्रमुख एसपी सन्तोष खड्काले बताए।
पूर्वराजाको विराटनगरमा कुनै पनि कार्यक्रम नरहेको राप्रपाका नेता दिनेश शाहले बताए। शाहले भने,‘ उहाँ नितान्त व्यक्तिगत भ्रमणमा आउनुभएको हो।’ पूर्वराजा विराटनगर आउनेबारे राजावादीहरुलाई पनि जानकारी थिएन।