अलोकतान्त्रिक, सर्वसत्तावादउन्मुख कदमविरुद्ध जनभावना अभिव्यक्त भयो : देउवा 

काठमाडौं– नेपाली कांग्रेसका सभापति शेरबहादुर देउवाले संसद् विघटनविरुद्ध पार्टीका १३ वटा भ्रातृ संस्थाले गरेको विरोध प्रदर्शनमा सहभागीलाई धन्यवाद दिएका छन्।  

सोमबार ७७ वटै जिल्लामा कांग्रेसका भ्रातृ संस्थाको अगुवाइमा विरोध प्रदर्शन भएको थियो।  देउवाले विज्ञप्ति जारी गर्दै संसद् विघटनको असंवैधानिक र अलोकतान्त्रिक कदमका विरुद्धमा  आयोजित विरोध प्रदर्शन ७७ वटै जिल्लाहरुमा व्यापक सहभागिताका साथ सफलतापूर्वक सम्पन्न भएको जनाएका छन्। 

प्रदर्शनले केपी शर्मा ओली नेतृत्वको नेपाल कम्युनिष्ट पार्टीको सरकारले गरेको प्रतिनिधिसभा विघटनको असंवैधानिक र अलोकतान्त्रिक, सर्वसत्तावाद उन्मुख कदम एवं मुलुकमा व्याप्त भ्रष्टाचार, कोभिड—१९ नियन्त्रण र व्यवस्थापनमा सरकारको असफलता र कुशासनको विरुद्ध जनभावना अभिव्यक्ति भएको देउवाले जनाएका छन्।