काठमाडौं- पछिल्लो २४ घण्टामा नेपालमा १५९ जना कोरोना कोरोना संक्रमित थपिएका छन्।
४ हजार १४५ जनाको पीसीआर परीक्षण गरिएकोमा १५९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ।
आज थपिएकासहित नेपालमा कोरोना संक्रमितको कुल संख्या २ लाख ७१ हजार ११८ पुगेको छ।
यो अवधिमा २६४ जना कोरोनामुक्त भएका छन्। संक्रमणमुक्त हुनेको कुल संख्या २ लाख ६० हजार ६०० पुगेको छ।
हाल देशभर सक्रिय संक्रमितको संख्या २ हजार ४८९ छ।
यसैबीच पछिल्लो २४ घण्टामा कोरोना संक्रमणबाट कसैले पनि ज्यान गुमाउन नपरेको मन्त्रालयको तथ्यांक छ। पछिल्लो समय संक्रमितको संख्या घट्दै जाँदा मृत्यु दर पनि घटेको छ।
हालसम्म नेपालमा कोरोनाबाट मृत्यु हुनेको संख्या २ हजार २९ पुगेको छ।