संवैधानिक परिषद्को सिफारिस सभामुखले फिर्ता पठाए

काठमाडौं– विघटित प्रतिनिधिसभाका सभामुख अग्निप्रसाद सापकोटाले संवैधानिक परिषदको बैठकले गरेको सिफारिस फिर्ता गरेका छन्। 

संसदीय सुनुवाइ हुन नसक्ने भएकाले सिफारिस फिर्ता पठाएको उनले बताएका छन्। संसदीय समितिहरूको कार्य सञ्चालन गर्ने अधिकार आफूमा भएको तर संसदीय सुनुवाइ हुन नसक्ने भएकाले संवैधानिक परिषदले विभिन्न आयोगमा गरेको पदाधिकारी सिफारिस सक्कलै प्रति फिर्ता पठाएको उनको भनाइ छ।

संवैधानिक परिषदलाई पत्र लेख्दै सापकोटाले भनेका छन्, ‘संवैधानिक तथा कानुनी आधार, कारण र अवस्थालाई मध्यनजगर गर्दै संवैधानिक परिषदबाट सिफारिस भएका पदहरूमा उल्लेख गरेअनुरूप संसदीय सुनुवाइ हुन नसक्ने अवस्था छ। परिषदबाट प्राप्त भएको पत्र सक्कलै प्रति फिर्ता पठाइएको छ,’ पत्रमा भनिएको छ।