सम्बोधनका क्रममा ‘श्री ५ को सरकार’ भनेका मन्त्री थापाले मागे माफी

काठमाडौं - खानेपानीमन्त्री मणि थापाले आफूले सम्बोधनका क्रममा भुलवश ‘श्री ५ को सरकार’ भनेकोमा माफी मागेका छन्। 

उनले सामाजिक सञ्जाल फेसबुकमार्फत् नेपाल सरकार भन्नु पर्नेमा अन्यथा भएको भन्दै माफी मागेका हुन्। 

शनिबार नेपाल कम्युनिष्ट पार्टी ओली समूहको सुर्खेतमा आयोजित कार्यकर्ता भेलालाई सम्बोधन गर्ने क्रममा मन्त्री थापाले ‘श्री ५ को सरकार’ भनेका थिए। 

‘कार्यकर्ता भेलालाई सम्बोधन गर्ने क्रममा नेपाल सरकार भन्नुपर्नेमा भुलवश अन्यथा भएको र त्यसलाई मैले तत्कालै सच्याएको यहाँहरू जानकार नै हुनुहुन्छ,’ उनले सामाजिक सञ्जाल फेसबुकमा लेखेका छन्, ‘आम नेपाली नागरिक, मेरो शुुभचिन्तक र नेपाल कम्युनिष्ट पार्टीका नेता कार्यकर्तामा त्यसबारे कुनै दुविधा नराखिदिनुहुन अनुरोध गर्दछु।’

आफ्नो पूरै राजनीतिक जीवन, क्रान्ति र परिवर्तनमा बिताएको र पश्चागमनका पक्षमा आफ्नो साथ नहुने पनि उनले बताएका छन्। उनले भनेका छन्, ‘भुलवश ती शब्द प्रयोग हुन गएकोमा क्षमा चाहन्छु।