काठमाडौं– प्रधानमन्त्री कप पुरुष राष्ट्रिय क्रिकेट अन्तर्गत आज (सोमबार) जारी खेलमा प्रदेश २ ले नेपाल पुलिस क्लबलाई १७० रनको लक्ष्य प्रस्तुत गरेको छ।
काठमाडौंको मूलपानीस्थित मैदानमा भइरहेको खेलमा प्रदेश २ ले निर्धारित ४७ ओभर खेल्दै नौ विकेट गुमाएर १६९ रन बनाएको थियो।
प्रदेश दुईका लागि हरिशंकर साहले ५३ रनको अर्र्धसतकिय इनिङ खेले। त्यस्तै, हिमान्सु दत्तले १६ रन बनाए भने रवी सिंह र विशाल सुस्लिङले समान १२–१२ जोडे।
बलिङतर्फ ललित राजवंशीले चार विकेट लिए भने सागर ढकालले २ विकेट गिराए। त्यस्तै, पवन सर्राफले एक विकेट गिराए।
मैदान ओसिलो भएका कारण ढिलो सुरु भएको खेल तीन ओभर छोट्याइएको थियो।