काठमाडौं– दाहाल–नेपाल समूहको नेकपाले निर्वाचन आयोगको आधिकारिक पत्र आएपछि पार्टीको वैधानिकताबारे धारणा सार्वजनिक गर्ने भएको छ।
उक्त समूहका प्रवक्ता नारायणकाजी श्रेष्ठले साेमबार नेपाल समयसँग भने, आयोगको आधिकारिक प्रतिआएपछि नै हाम्रो आधिकारिक धारणा आउनेछ।’
आयोगले आइतबार नेकपाका दुवै समूहलाई वैधानिकता नदिएपछि दाहाल–नेपाल समूहले यस्तो प्रतिक्रिया दिएको हो।
उनले दाहाल–नेपाल समूहको नेकपाले वैधानिकता पाउने बताए। श्रेष्ठले भने, ‘संविधान र कानुनअनुसार नै आयोगले काम गर्नुपर्ने भएकाले हाम्रो पार्टीले आधिकारिकता पाउनेमा ढुक्क छौं।’
उनले प्रारम्भमै दल ऐनअनुसार सही निर्णय दिन सक्नुपर्नेमा आयोगले ढिलाइ गरेको बताए। उनले भने, ‘आयोगले किन चाँडै निर्णय दिन सकेन भन्ने हामीलाई लागेकै छ। आयोगले ढिलाइ गर्नुपर्ने कारण देखिँदैन।’
यस्तै उनले आयोगले आफूलाई दुविधाजनक स्थितिमा राखिरहनुपर्ने भनाइ राखे। श्रेष्ठले त्यसबाट आशंकाको स्थिति उत्पन्न हुन नहुने पनि बताए।