काठमाडौं– प्रतिनिधिसभा विघटनविरुद्ध सर्वोच्च अदालतको संवैधानिक इजलासमा बहस जारी छ। आज पनि रिट निवेदक र उनीहरुको तर्फबाट कानुन व्यवसायीहरुले बहस गरिरहेका छन्।
बहसकै क्रममा रिट निवेदक दीपक राईले ताजा जनादेशमा जान संसद् विघटन गरिएको विषयमा प्रश्न उठाएका छन्।
‘जनादेश पनि ताजा र बासी हुन्छ र श्रीमान् ?’ राईले प्रश्न गरे। जनताले दिएको जनमत सधैं ताजा हुने उनको तर्क थियो। ताजा जनादेश भन्दै २–२ वर्षमा निर्वाचन भए त्यसले कस्तो परिणाम ल्याउला भन्दै उनले अदालतको ध्यानाकर्षण गराएका छन्।
प्रधानमन्त्री ओलीले विचाराधीन मुद्दामा सार्वजनिक रुपमा बोलिरहेको भन्दै उनले त्यसरी बोल्न नमिल्ने बताए।
प्रतिनिधिसभा विघटनविरुद्ध परेका रिटहरुमाथि सर्वोच्च अदालतको संवैधानिक इजलासमा गत आइतबारदेखि निरन्तर बहस भइरहेको छ।
आजको बहस सकिएको छ। अब भोलि साेमबार निरन्तर जारी रहनेछ।