काठमाडौं– लुम्बिनी प्रदेशलाई बागमती प्रदेशले २२१ रनको लक्ष्य प्रस्तुत गरेको छ। प्रधामन्त्री कप क्रिकेट अन्तर्गत आज (आइतबार) मूलपानीस्थित मैदानमा भइरहेको खेलमा पहिले ब्याटिङ गरेको बागमतीले २२१ रनको लक्ष्य दिएको हो।
टस जितेर ब्याटिङ राजेको बागमतीले पूरा ओभर खेल्दै नौ विकेटको क्षतिमा २२० रन बनाएको थियो। बागमतीका लागि आदिल खानले सर्वाधिक ५५ रनको अर्धशतकीय इनिङ खेले भने इशान पाण्डेले पनि ५१ रन जोडे।
त्यस्तै, पृथु बास्कोटा २९ रनमा आउट भए भने आकाश थापाले ३९ रनधको योगदान दिए। बलिङतर्फ लुम्बिनीका लागि दिपेन्द्र रावतले तीन विकेट गिराए भने कृष्ण कार्की र सन्दिप सुनरले समान २–२ विकेट लिए। विक्रम भुषल र अनिल खरेलले समान १–१ विकेट गिराए।