आज २३२ कोरोना संक्रमित थपिए, ८ जनाको मृत्यु

काठमाडौं- पछिल्लो २४ घण्टामा देशभर २३२ जनामा कोरोना संक्रमण पुष्टि भएको छ।

३ हजार ५४१ जनाको पीसीआर परीक्षण गरिएकोमा २३२ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ।

पछिल्लो २४ घण्टामा थपिएकासहित नेपालमा कुल कोरोना संक्रमितको संख्या २ लाख ६९ हजार १८० पुगेको छ।

यस्तै पछिल्लो २४ घण्टामा ३८६ जना कोरोना संक्रमणमुक्त भएका छन्। योसहित कोरोना संक्रमणमुक्त हुनेको संख्या २ लाख ६३ हजार ७३४ पुगेको छ।

हाल देशभर सक्रिय संक्रमितको संख्या ३ हजार ६१४ जना छ।

मन्त्रालयका अनुसार पछिल्लो २४ घण्टामा कोरोना संक्रमणबाट देशभर ८ जनाको मृत्यु भएको छ।

यो सहित नेपालमा कोरोनाबाट मृत्यु हुनेको कुल संख्या १ हजार ९९४ पुगेको छ।