पीएम कप : बागमतीलाई प्रदेश २ ले दियो १८० रनको सामान्य लक्ष्य

काठमाडौं– प्रधानमन्त्री कप एकदिवसयि क्रिकेट अन्तर्गत मूलपानी मैदानमा जारी खेलमा प्रदेश २ ले बागमती प्रदेशलाई १८० रनको लक्ष्य प्रस्तुत गरेको छ।

टस जितेर पहिले ब्याटिङ गरेको प्रदेश २ ले ४८ आभेर दुई बल खेलेर १७९ रन बनाएको थियो।

प्रदेश दुईका लागि विवेक यादवले सर्वाधिक ६६ रन बनाए भने कुमार थापा र राहुल प्रताप सिंहले क्रमशः २२ र १८ रन जोडे।

यसबाहेक अन्य खेलाडीले सम्झनलायक प्रदर्शन नगरेको खेलमा बागमतीले प्रदेश २ लाई ३१ रन अतिरिक्त प्रदान गरेको थियो।

बलिङतर्फ बागमतीका रामनरेश गिरीले तीन मेडन राख्दै दुई विकेट गिराए। त्यस्तै गौतम केसीले चार विकेट गिराए भने नन्दन यादव, तिलक भण्डारी र विपिन आचार्यले १–१ विकेट लिए।