काठमाडौं– प्रधानमन्त्री कप पुरुष एकदिवसीय क्रिकेटमा सुदूरपश्चिम प्रदेशले नेपाल पुलिस क्लबलाई सामान्य लक्ष्य प्रस्तुत गरेको छ।
कीर्तीपुरस्थित त्रिवि मैदानमा जारी खेलमा पुलिस क्लबले सुदूरपश्चिमबाट १११ रनको सामान्य लक्ष्य पाएको हो।
टस हारेर ब्याटिङको निम्तो पाएको सुदूरपश्चिमले सबै विकेट गुमाउँदै ११० रन बनाउन पुग्यो। सुदूरपश्चिमका लागि ओपनर खडक बोहराले सर्वाधिक ४० रन बनाए भने सन्जु धामीले ३५ रन जोडे। यसबाहेक अन्य खेलाडीले सम्झनलायक प्रदर्शन गरेनन्।
यता पुलिस क्लबका सागर ढकाल र दिपेन्द्र सिंह ऐरीले समान ४–४ विकेट गिराए।