मलाई गिरिजाप्रसादले जस्तै लाठी खान मन छ : दाहाल

काठमाडौं– दाहाल–नेपाल समूहका नेकपा अध्यक्ष पुष्पकमल दाहालले आफूलाई आन्दोलनको अग्रमोर्चामा रहेर लाठी खान मन लागेको बताएका छन्।

राजधानीमा आयोजित अनेरास्ववियुको भेलालाई सम्बोधन गर्दै अध्यक्ष दाहालले भने, ‘म अगाडि बढ्छु, तपाईंहरु पछाडिबाट मलाई साथ दिनुस्, मेरो टाउको चिलाएको हो कि के हो मलाई यसपटक लाठी खान मन छ।’ 

उनले ६२/६३ को आन्दोलनमा गिरिजाप्रसाद कोइरालालाई प्रहरीले लाठी प्रहार गरेको स्मरण गर्दै आफू पनि टाउको फुटाउन तयार रहेको बताए। 

दाहालले सरकारविरुद्ध ९ गते हुने कार्यक्रममा आक्रामक रुपमा प्रस्तुत हुन विद्यार्थीलाई अपिल गरे। उनले भने, ‘शाकाहारी आन्दोलनलाई केपी ओलीले गन्ने वाला छैनन्। अब आन्दोलन आक्रामक हुनुपर्‍यो, सिंह गर्जेजस्तो हुनुपर्‍यो, प्रतिक्रान्तिहरुको मुटु हल्लाउनुपर्‍यो।’