काठमाडौं – फ्रेन्च लिग १ को साविक विजेता पेरिस सेन्ट जर्मेन (पीएसजी)ले शनिबार राति संघर्षपूर्ण जित निकालेको छ।
एन्जर्सको मैदानमा सम्पन्न खेलमा पीएसजीले घरेलु टिमविरुद्ध १–० काे जित निकालेको हो।
जितका लागि पीएसजीका लेविन कुर्जवाले एक गोल गरे। पहिलो हाफ गोलरहित बराबरीमा रोकिए पनि दोस्रो हाफमा पीएसजीले गोल गरेको थियो।
कुर्जवाले खेलको ७० औं मिनेटमा गोल गरे। उनको गोलबाट जित दर्ज गराएको पीएसजीले तीन अंक जोडेसँगै अंकतालिकाको शीर्षस्थानमा फर्किएको छ।
पीएसजीले २० खेलबाट ४२ अंक जोडेको छ भने लियोन १९ खेलबाट ४० अंक प्राप्त गर्दै दोस्रो स्थानमा छ। यता पराजित एन्जर्स भने ३० अंकका साथ सातौं स्थानमा छ।
यता पीएसजीका प्रशिक्षक माउरिसियो पोचेतिनो भने कोरोना संक्रमणका कारण मैदानमा उपस्थित थिएनन्। उनी सेल्फ आइसोलेसनमा रहेको क्लबले बताएको छ।