भ्रमण उपलब्धिमूलक भएको परराष्ट्रमन्त्री ज्ञवालीको दाबी

काठमाडौं- परराष्ट्रमन्त्री प्रदीप ज्ञवालीले आफ्नो तीन दिने भारत भ्रमण उपलब्धिमूलक भएको दाबी गरेका छन्।

उनले आफ्नो भ्रमणले नेपाल र भारतका बीच रहँदै आएको घनिष्ठ, मैत्रीपूर्ण एवम् बहुआयामिक सम्बन्धलाई थप मजबुत बनाउने दिशामा योगदान पुर्‍याएको दाबी गरे।

भ्रमणबाट फर्किएपछि त्रिभुवन अन्तर्राष्ट्रिय विमानस्थलमा लिखित भनाइ राख्दै परराष्ट्रमन्त्री ज्ञवालीले समसामयिक थुप्रै विषयमा छलफल भएको बताए।

उनले त्यहाँ आफ्ना समकक्षी एस जयशंकरका साथै रक्षामन्त्री राजनाथ सिंहसँग भेट भएको र दुई पक्षीय सरोकारका थुप्रै विषयमा कुराकानी भएको बताए।

मन्त्री ज्ञवालीले राखेको लिखित भनाइ