काठमाडौं। प्रधानमन्त्री केपी शर्मा ओलीले आफूले न्यायाधीशलाई भेटेको भनेर भ्रम फैलाइएको बताएका छन्।
काठमाडौंमा आज आयोजित प्रदेश १ को प्रदेशस्तरीय कार्यकर्ता भेलामा ओलीले हुँदै नभएको कुरोलाई गलत प्रचार गरिएको बताएका हुन्।
‘फलाना-फलाना न्यायाधीशले प्रधानमन्त्रीलाई भेटे भन्ने भ्रम फैलाइयो, ती नाम गरेका न्यायाधीशलाई मैले कहिल्यै भेटेको छैन,’ उनले भने, ‘कतै सार्वजनिक कार्यक्रममा भएको भए पनि म चिन्दिनँ।’
तर, पहिलो संविधान सभाको सदस्य हुँदा सपना प्रधान मल्ललाई भने चिनेको उनको भनाइ छ।