काठमाडौं - राजनीतिकरूपमा विभाजित नेकपा ओली समूहको बृहत् कार्यकर्ता भेला काठमाडौंमा सुरु भएको छ।
तीनकुनेको रोयल ब्याङ्केटमा ओली समूहको कार्यकर्ता भेला सुरु भएको हो।
उपत्यकामा बस्ने प्रदेश १ का नेता कार्यकर्ताहरूको सहभागितामा प्रदेश सम्पर्क कमिटीले भेलाको आयोजना गरेको हो।
भेलालाई प्रधानमन्त्री एवम् ओली समूहका अध्यक्ष केपी शर्मा ओली, प्रदेश १ का इन्चार्ज सुवासचन्द्र नेम्वाङ, सहरी विकास मन्त्री एवम् प्रदेश २ का अध्यक्ष प्रभु साहलगायतले सम्बोधन गर्ने कार्यक्रम छ।
नेता नेम्वाङ र साह कार्यक्रममा पुगिसकेका छन्। प्रधानमन्त्री ओली केहीबेर पछि पुग्नेछन्।