शिक्षा

देवदहमा बौद्ध विश्वविद्यालयको डीन कार्यालय

1614938893.jpg

बुटवल- लुम्बिनी बौद्ध विश्वविद्यालयले देवदहमा डीन कार्यालय सञ्चालन गरेको छ।

NLG Insurance
Sampoorna Oil

नयाँ शैक्षिक सत्रदेखि तीनवटा देवदहबाट सञ्चालन गर्ने योजनासहित बुद्ध मावली देवदहमा डीन कार्यालय सञ्चालन गरिएको हो। 

सरकारले विश्वविद्यालयका लागि देवदहमा करिब ९० बिगा जमिन उपलब्ध गराउने निर्णय गरेको छ। शुक्रबार स्कुल अफ डेभलपमेन्ट स्टडिज एण्ड एप्लाइड साइन्सको डीन कार्यालय देवदहमा शुभारम्भ गरिएको छ। 

अर्थमन्त्री विष्णु पौडेलले शुक्रबार डीन कार्यालयको उद्घाटन र नयाँ पूर्वाधार निर्माण स्थलको अवलोकन गरेका छन्।

देवदहमा करिब १०० विगाहा जमिन प्राप्तीले समग्र क्षेत्रको विकासमा उचाइ पुगेको पौडेलको भनाइ छ। विश्वविद्यालयको पूर्वाधार र सडक पूर्वाधार एकैसाथ निर्माण गर्दै यसलाई पर्यटकीय क्षेत्रकै रुपमा विकास गर्नुपर्ने आवश्यकता रहेको पौडेलले बताए।

सो अवसरमा बोल्दै प्रतिनिधिसभाका सांसद छबिलाल विश्वकर्माले निकै मेहनतले देवदहमा विश्वविद्यालयले जग्गा प्राप्ती गरेको भन्दै अब यसको पूर्वाधार विकासमा प्राथमिकता दिनुपर्ने बताए। 

बुटवल र लुम्बिनीमा पठनपाठन गराइरहेको विश्वविद्यालयले बुटवलमा पनि डीन कार्यालय खोल्ने निर्णय गरेको छ।

प्रतिक्रिया दिनुहोस्