काठमाडौं– नेकपाको दाहाल–नेपाल समूहले प्रदेश १ को अध्यक्षमा घनेन्द्र बस्नेतलाई चयन गरेको छ।
पार्टी कार्यालय पेरिसडाँडामा आज शुक्रबार बसेको स्थायी कमिटी बैठकले देवराज घिमिरेलाई हटाएर बस्नेतलाई अध्यक्षमा चयन गरेको हो।
त्यसैगरी प्रदेशको सहइन्चार्चमा राजेन्द्र राई र जयन्ती राई चयन भएका छन्।
यसैगरी बैठकले यही माघ १६ गते काठमाडौमा शक्ति प्रदर्शन गर्ने निर्णय गरेको छ।
बैठकले केपी ओली नेतृत्वको सरकार कामचलाउ भइसकेको दाबी गर्दै भारतसँग दिर्घकालीन महत्व राख्ने र राष्ट्रिय हितमा आँच आउने कुनै पनि कुराकानी र सम्झौता नगर्न प्रधानमन्त्री ओलीलाई चेतावनी दिएको छ।