भिडियो

हतियारको राजनीति नटिकेपछि विप्लव शान्ति प्रक्रियामा आए : प्रा. लोकराज बराल (भिडियो)

काठमाडौं– राजनीतिशास्त्रका प्राध्यापक लोकराज बरालले हतियारको राजनीति थाम्न नसकेर नेत्रविक्रम चन्द (विप्लव) नेतृत्वको नेकपा शान्ति प्रक्रियामा आएको बताएका छन्। 

NLG Insurance
Sampoorna Oil

उनले भने, ‘हतियारको राजनीति धेरै दिन टिक्न नसक्ने रहेछ, त्यसकारण उनीहरूले उपयुक्त बाटो खोज्दा रहेछन्।’

उनले २००७ साल, २७ साल, २८ साल र माओवादी सशस्त्र द्वन्द्व पनि धेरै दिन नटिकेको बताए। 

उनले हतियार बिसाएर शान्ति प्रक्रियामा आउनु सकारात्मक विषय रहेको बताए।

उनले भने, ‘विप्लवले हतियार फ्याँक्नुभयो, थुनामा रहेका आफ्ना मान्छे रिहा गराउनुभयो। शान्तिपूर्ण राजनीतिमा आउँछु भन्नुभयो। विप्लवलाई पनि कुनै राजनीतिक फाइदा भएको देखिएन।’ 

१० वर्षसम्म सशस्त्र हिंसा गरेर संसदीय राजनीतिलाई सरापेर आएकाहरु अहिले त्यसमै बसिरहेको उनको भनाइ छ। 

उनले भने, ‘लोकतन्त्र बलियो रहेछ। लोकतन्त्रलाई परिमार्जन गर्नुपर्छ। नेताहरू स्वार्थी भएर मात्र कुर्सीको खेलमा लागेका हुन्।’ 

शान्ति प्रक्रियामा ल्याएर प्रधानमन्त्री केपी शर्मा ओलीले जस लिने आधार पनि नरहेको प्राध्यापक बरालको भनाइ छ। 

प्रतिक्रिया दिनुहोस्