भैरहवा– माघी पर्वको अवसरमा रुपन्देहीमा माघी महोत्सव सम्पन्न भएको छ।
थारु कल्याणकारीणी सभा जिल्ला कार्यसमिति रुपन्देहीको आयोजनामा आज मंगलबार विभिन्न थारु सांस्कृतिक कार्यक्रमसहित माघी मनाइएको हो।
जनचेतना विद्यालय मायादेवी–८ मतखोलवा शिक्षा तालिम केन्द्रको प्रांगगणमा भएको महोत्सवमा थारु समुदायको सांस्कृतिक झाँकी, पोशाक प्रदर्शन हुनुका साथै थारू समुदायका परम्परागत खाना परिकारसमेत प्रदर्शन गरिएको थारु कल्याणकारी सभा जिल्ला सचिव सरिता चौधरीले बताइन् ।