वर्ष उत्कृष्ट युवा खेलाडीको अवार्ड सुवासलाई

काठमाडौं- गल्फका  सुवास तामाङले वर्ष उत्कृष्ट युवा खेलाडीको अवार्ड जितेका छन्।

उनले  ‘एनएसजेएफ पल्सर स्पोर्ट्स अवार्ड’ अन्तर्गत जुडोकी पूनम श्रेष्ठ, तेक्वान्दोका भूपेन्द्र श्रेष्ठ, भारोत्तोलनकी सञ्जु चौधरी र तेक्वान्दोकी सिना लिम्बू मादेनलाई पछि पारेका हुन्।

ललितपुरको सातदोबाटोस्थित कराते हलमा मंगलबार आयोजित अवार्ड कार्यक्रममा सुवास उत्कृष्ट युवा खेलाडी घोषित भएका हुन्।

सुवासले नेपालमा सम्पन्न १३औं सागमा दुई स्वर्ण पदक जितेका थिए।